Pity party

No har eg nettopp returnert til min særs gode kontorstol etter å ha stått på kjøkenet i 60+ minutt for å bake rundstykke, slik at eg kan lage meg nistemat eg faktisk ikkje er allergisk mot. Det følest som om eg er allergisk mot alt som er laga av fabrikkar, og det er faktisk ikkje langt i frå. Eg reagerer til og med på produkt som er i allergiseksjonen (vel, meir korrekt; hylla) på daglegvarebutikken.

Elisabeth har spurt meg fleire gonger om eg kan lage ei liste over alt eg ikkje tåler, og sidan det sikkert er utruleg interessant å lese, eller dersom de i framtida får lyst til å forgifte meg;
- Alt som står lista opp under frukt på denne nettsida, utanom ananas, banan, druer og sitrusfrukt
- Bjørkepollen
- Couscous
- Egg
- Graspollen
- Lauk (men eg kan som regel ha purre)
- Lys pasta og ris (må helst vere speltpasta, og gjerne fullkornris eller naturris, sjølv om det ikkje fungerer heilt heller)
- Kveitemjøl
- Mandler
- Mjølkeprodukt
- Nøtter
- Potetskrell
- Rå grønsaker

Og for å gjere alt mykje lettare for meg sjølv, et eg ikkje kjøt, berre sjømat...

EDIT: Sidan 10.10.09 har eg vore fullt ut veganer, og det følest herleg.

(...)

In closing kan eg fortelje at rektor er rar, då dei tilsette kom ut frå auditoriet etter å ha hatt møtet sitt (eg må sitje og vente fordi bussen min går ikkje før ti/fem på halv fire), stoppa han opp og såg på meg litt lenger enn det som er rekna som vanleg i mellom to som eigentleg ikkje kjenner kvarandre, og sa så (med ein vakker kunstpause); "Og elles går det bra..?" Etter dette kom den syngande norsklæraren og sjekka ut beina mine/meg, noko som var... småekkelt.