Juni

Dette blogginnlegget skulle eigentleg byrje med ein elaborate historie om at eg trudde Tollvesenet hadde stole den belgiske sjokoladen eg hadde kjøpt via ei britisk nettside (it makes sense, I swear!), men då eg kom heim i ettermiddag låg det ein lapp på kjøkenbordet som sa at postkontoret på Aksdal hadde ein pakke til meg. Go figure... Sjokoladen var superdyr, men smaker forhåpentlegvis fabelaktig. Kva han smaker kjem eg diverre aldri til å finne ut, fordi sjokoladen er ikkje til meg, men mottakaren kjem hopefully til å elske han. Og CDen, mikse-CDen som eg i dag har kjøpt papir til slik at eg kan lage eit fancy, eigendesigna cover. (Sjokoladen er eg uansett allergisk mot...)

Det er juni månad. I juni 2001(?) fekk eg ei dartpil i hovudet. I juni 2005 var eg ferdig med grunnutdanninga, og grein meg i søvne av å ikkje lenger kunne sjå alle dei fantastiske menneska kvar dag. Det var òg i juni 2005 at eg drog på språkreise til Paris og Bournemouth, og oppdaga Isle of Wight. I juni 2006 sendte eg mitt fyrste brev til Mozart. I juni 2007 sendte me tekstmeldingar han angra på dagen etterpå, men som eg aldri fekk ut av hovudet. I juni 2008 var eg i bryllaup til eldste storebroren min, og no i juni 2009 er dei framleis separert etter fleire veker i frå kvarandre, trass ein nyfødd son i mars og ei dotter på to og eit halvt år. I juni 2009 har eg ikkje sett Mozart på ni månadar, og ikkje høyrt noko frå han på eit halvt år. I juni 2009 må eg igjen seie farvel til fantastiske menneske, langt fleire enn på ungdomsskulen, og eg er redd for framtida. Redd for Bergen, for studier eg ikkje veit om eg klarer, for eit yrke eg vil vere Captain i, og emne eg elskar, men som likevel gir meg klump i halsen. I juni 2009 er eg skjelvande, på krykker, på golvet, i taket, i fosterstilling, med eit einsamt hjarte og ein overfylt hjerne.